Orazio, Carmina, I, 18, 5 - 11

Quis post uina grauem militiam aut pauperiem crepat?          5
Quis non te potius, Bacche pater, teque decens Venus?
Ac ne quis modici transiliat munera Liberi,
Centaurea monet cum Lapithis rixa super mero
debellata, monet Sithoniis non leuis Euhius,
cum fas atque nefas exiguo fine libidinum                              10
discernunt auidi.

 

 

Orazio, Carmina, II, 11, 13 - 20

Cur non sub alta uel platano uel hac
pinu iacentes sic temere et rosa
canos odorati capillos,                          15
dum licet, Assyriaque nardo

potamus uncti? dissipat Euhius
curas edacis. Quis puer ocius
restinguet ardentis Falerni
pocula praetereunte lympha?                  20

Orazio, Epistulae, I, 19, 2-3

Prisco si credis, Maecenas docte, Cratino,
nulla placere diu nec uiuere carmina possunt
quae scribuntur aquae potoribus; ut male sanos
adscripsit Liber Satyris Faunisque poetas,
uina fere dulces oluerunt mane Camenae                    5

 

 

Orazio, Carmina, I, 37, 1 - 4

Nunc est bibendum, nunc pede libero
pulsanda tellus, nunc Saliaribus
ornare puluinar deorum
tempus erat dapibus, sodales.