Ovidio, Ars amatoria I, 237 - 244

Vina parant animos faciuntque caloribus aptos:
     Cura fugit multo diluiturque mero.
Tunc veniunt risus, tum pauper cornua sumit,
     Tum dolor et curae rugaque frontis abit.               240
Tunc aperit mentes aevo rarissima nostro
     Simplicitas, artes excutiente deo.
Illic saepe animos iuvenum rapuere puellae,
     Et Venus in vinis ignis in igne fuit.

 

Ovidio, Ars amatoria I, 597 - 600

Ebrietas ut vera nocet, sic ficta iuvabit:
     Fac titubet blaeso subdola lingua sono,
Ut, quicquid facias dicasve protervius aequo,
     Credatur nimium causa fuisse merum.               600